PRISCI Canones

PRISCI Canones

in subscriptione Concilii Toletani II. Salvâ auctoritate priscorum Canonum: Sic appellatus est Codex Canonum Hispanicus Ecclesiae Universae, quem a Romanis accepisse Hispanos probabile est. Eum enim primo habere potuerunt ex antiqua Latina, postea etiam ex nova Dionysii Exigui versione, usque ad Martini Bracharensis Episcopi interpretationem. Quamquam non admodum verisimile sit, eos Dion ysii Exigui versionem habuisse aut recepisse, quia ea satis accurata erat, ut novâ versione Martini praefati facile supersedere potuissent. Unraque enim eôdem saeculô adornata est, nempe sexta; et Dionysii quidem Exigui paulo ante, vel sub Iustiniano Imperatore altera vero Martini, septimô annô post mortem Iustiniani, nempe A. C. 572. Etiam Antiquorum Canonum nomine venit, Concilii Bracharensis I. can. 40. Placuit, ut praecepta antiquorum Canonum, quae modo in Concilio recitata sunt, nullus audeat praeterire. Item Codicis Canonum, cuius sit mentio eiusdem Concilii can. 18. et in Concilio Toletano IV. quod habitum est A. C. 733. Vide Iustellum, Praefat. Cod. Can. et Gerh. von Mastricht, Histor. Iuris. Eccl. n. 87.